(2016) ش 3122 ج د 121-نومۇرلۇق 2016-08-01 18:10:24
شىنجاڭ ئۇيغۇر ئاپتونۇم رايونى
يىڭىشەھەر ناھىيىلىك خەلق سوت مەھكىمىسىنىڭ
جىنايى ئىشلار ھۆكۈمنامىسى
(2016) ش 3122 ج د 121-نومۇرلۇق
ئەيىبلىگۈچى ئورگان يېڭىشەھەر ناھيىلىك خەلق تەپتىش مەھكىمىسى
جاۋابكار ئەنxx، ئەر، ئۇيغۇر، 1991- يىلى 2- ئاينىڭ 20- كۈنى تۇغۇلغان. تولۇقسىز ئوتتۇرا مەكتەپ مەدەنىيەت سەۋىسيىگە ئىگە، ئاممىۋى، دېھقان. يېڭىشەھەر ناھىيەدە ئولتۇرۇشلۇق. ئىلگىرى سوتلۇق بولمىغان، بۇ قېتىم ئوغۇرلۇق جىنايتى گۇمانى بىلەن 2016-يىلى 3-ئاينىڭ 25-كۈنى يېڭشەھەر ناھىيلىك ج خ ئىدارىسى تەرپىدىن توختۇتىلىپ، 2016-يىلى 4-ئاينىڭ 8-كۈنى يىڭىشەھەر ناھىيىلىك خەلق تەپتىش مەھكىمىسىنىڭ تەستىقلىشى بىلەن قانۇن بويىچە قولغا ئىلىنغان. ھازىر يىڭشەھەر ناھىيلىك قاماقخانىدا قاماقتا.
يېڭىشەھەر ناھىيىلىك خەلق تەپتىش مەھكىمىسى (2016) 93-نومۇرلۇق ئەيىبنامىسى بىلەن جاۋابكار ئەنxxنىڭ ئوغۇرلۇق جىنايى دىلوسىنى 2016-يىلى 6-ئاينىڭ 3-كۈنى مەھكىمىمىزگە ئەيىپلىگەن. مەھكىمىمىز دىلونى قوبۇل قىلغاندىن كىيىن، قانۇن بويىچە ئاددى تەرتىپنى قوللۇنۇپ تەنھا ئوچۇق سوت قىلدى. يىڭىشەھەر ناھىيىلىك خەلق تەپتىش مەھكىمىسىنىڭ تەپتىشى سەيپۇللا ھەسەن، ئايگۇل مىجىت سوتقا چىقىپ ئەيىپلەشنى قوللىدى. جاۋابكار ئەنxx سوتقا كىلىپ دەۋاغا قاتناشتى. بۇ دېلو سوت قىلىپ ئاخىرلاشتۇرۇلدى.
يېڭىشەھەر ناھيىلىك خەلق تەپتىش مەھكىمىسى، ئەنxx 2016-يىلى 3-ئاينىڭ 21-كۈنى چۈشتىن كىيىن سائەت 2:00 ئەتىراپىدا، يېڭىشەھەر ناھىيە خۇا دوڭ دوختۇرخانېسىغا ئايالى ئايشەمگۇلنىڭ كىسىلىنى تەكشۇرىتكىلى كىلىپ، بالنىسىت بۆلۈمىنىڭ ئالدىدا توختۇتۇپ قويۇلغان زىيانلانغۇچى سۇلايمان ئسىمائىلنىڭ 4200 يۇەن قىممىتىدىكى بىر دانە «خاۋجۆ» ماركىلىق ئىككى چاقىلىق قىزىل رەڭلىك ئەرەنچە موتىسىكىلىتنىڭ بويان قۇلۇپىنى بۇزۇپ ئوغۇرلاپ چىقىپ، يېڭىشەھەر ناھىيە يېڭىئېرىق يىزا 1- كەنىتتىكى ئۆيىگە ئاپىرىپ يوشۇرۇپ قويغان.
دىلو زىيانلانغۇچى تەرپىدىن مەلۇم قىلىنغاندىن كىيىن ج خ ساقچىلىرى رازىۋېتكا قىلىش ئارقىلىق، جاۋابكار ئەنxxنى تۇتۇش بىلەن بىرگە، جاۋابكارنىڭ ئۆيىدىن ھارام مالنى قولغا چۈشۈرۈپ، جاۋاپكارنى سوراق قىلىش ئارقىلىق جاۋابكار ئەنىۋەر ھۆسىيۈن قىلمىشىنى ئىقرار قىلىپ دىلو پاش بولغان.
دىلو پاش بولغاندىن كىيىن زىيانلانغۇچىنىڭ زىينى ئەينەن ئەسلىگە كەلگەن.
يېڭىشەھەر ناھىيىلىك باھانى نازارەت قىلىش تەكشۈرۈش ئىدارىسىنىڭ 2016008 نومۇرلۇق دىلوغا چىتىشلىق بويۇملارنى باھالاش يەكۈنىدە: «خاۋجۆ» ماركىلىق ئىككى چاقىلىق موتىسىكىلىتنىڭ باھاسى 4200 يۇەن» دەپ باھالاپ بىكتىلگەن. جاۋابكار ئەنۋەر ھۇسۇيىنقا ئوغۇرلۇق جىنايىتىنى بىكىتىپ « جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 264-ماددىسىنىڭ بەلگىلمىسىگە ئاساسەن جازا بىرلىشى لازىم دەپ ئەيىبلىدى.
جاۋابكار ئەنxx ئەيىپلەشنامىدە بىكىتىلگەن پاكىتلارنىڭ ھەممىسى راسىت دەپ قىلمىشىنى تولۇق ئىقرار قىلىپ ئۆزىنىڭ باشقىچە پىكىرىنى ئوتتۇرغا قويمىدى.
يۇقارقى پاكىتلارنى زىيانلانغۇچى سۇلايمان ئىسمايىلنىڭ دىلو مەلۇماتى ۋە سۆھبەت خاتىرسى؛ جاۋابكار ئەنۋەر ھۇسۇيىننىڭ نوپۇس ئىسپاتى؛ يىڭىشەھەر ناھىيىلىك ج خ ئىدارىسىنىڭ 0520160304-نومۇرلۇق قوبۇل قىلىنغان جىنايى ئىشلار دىلوسىنى تىزىملاش جەدۋىلى ۋە (2016) 55-نۇمۇرلۇق دىلو ئىچىش قارارنامىسى ۋە دىلو پاش قىلىش دوكلاتى؛ يېڭىشەھەر ناھىيىلىك ج خ ئىدارىسىنىڭ (2016) 43-نۇمۇرلۇق توختۇتۇپ قويۇش گۇۋاھنامىسى؛ يېڭىشەھەر ناھىيىلىك ج خ ئىدارىسىنىڭ (2016) 97-نۇمۇرلۇق قولغا ئىلىش گۇۋاھنامىسى؛ يىڭىشەھەر ناھىيىلىك ج خ ئىدارىسىنىڭ تۇتۇپ قىلىنغان ماددى بۇيۇملار تىزىملىگى شۇنداقلا قايتۇرۇلغان ماددى بۇيۇملار تىزىملىگى؛ يېڭىشەھەر ناھىيىلىك باھانى نازارەت قىلىش تەكشۈرۈش ئىدارىسىنىڭ 2016008 نومۇرلۇق دىلوغا چىتىشلىق بويۇملارنى باھالاش يەكۈنى؛ يىڭىشەھەر ناھىيىلىك ج خ ئىدارىسىنىڭ (2016) 17-نۇمۇرلۇق باھالاش خۇلاسىسىنى ئۇقتۇرۇشقىلىشنامىسى؛ جاۋابكار ئەنxxدىن ئىلىنغان سوراق خاتىرلىرى؛ نەخ مەيدان خاتىرسى، خەرىتىسى، نەخ مەيداننىڭ سۇرىتى؛ نەخ مەيداننى تونىتىش خاتىرسى؛ زىيانلانغۇچى سۇلايمان ئىسمايىلنىڭ تاپشۇرۇپ ئىلىش ھۆججىتى قاتارلىق دەلىل-ئىسپاتلار ئىسپاتلانغانلىغى ئۇچۇن مەھكىمىز تەرىپىدىن ئېتىراپ قىلىپ بېكىتىلدى.
مەھكىمىمز مۇنداق قارىدى: جاۋابكار ئەنxx قانۇنسىز ئىگەللىۋىلىش مەخسىدىدە باشقىلارنىڭ بىر قەدەر كۆپ مىقداردىكى مال-مۇلكىنى يوشۇرۇن ئىلىۋالغان قىلمىشىدىن ئوغۇرلۇق جىنايىتى شەكىللىنىدۇ. ئەيىپلىگەن پاكىت جىنايەتكە توشىدۇ. جاۋابكارنى قانۇن بويىچە جازالاش لازىم. جاۋابكار بىر قىتىم ئوغۇرلۇق قىلىپ شەخسىلەرنىڭ 4200 يۇەن قىممىتىدىكى مال-مۈلىكىنى ئوغۇرلىغان بولۇپ، قانۇندا بەلگىلەنگەن مىقدارى كۆپرەك دىگەن ئۆلچەمگە چۇشىدۇ. جاۋابكارنىڭ ئوغۇرلۇق قىتىم سانى بىر قىتىم، دىلو پاش قىلىنغاندىن كىيىن زىيان ئەينەن ئەسلىگە كەلگەن. جاۋابكار سوتتىمۇ جىنايىتىنى تولۇق ئىقرار قىلىدۇ. شۇڭا جاۋابكارنىڭ ئوغۇرلۇق قىتىم سانى، ئوغۇرلۇق سوممىسى، ئەسلىگە كىلىش ئەھۋالى، سوتتىكى جىنايىتىنى تونۇش پوزىتسىيىسى، تۇنجى قىتىيم سوتلۇق بولغانلىغى قاتارلىقلارنى بىرلەشتۇرۇپ يىنىك جازا بىرىش لازىم دەپ قاراپ، «جۇڭخۇا خەلق جۇمھۇرىيىتى جىنايى ئىشلار قانۇنى» نىڭ 264- ماددا، 52-ماددا، 67-ماددا 3-تارماق، ئالى خەلق سوت مەھكىمىسىنىڭ ئوغۇرلۇق دىلوسىنى سوت قىلىشتا قانۇننى كونكىرىتنى تەدبىقلاشقا ئائىت بەزى مەسىللەر توغرىسىدىكى ئىزاھاتىنىڭ 1-ماددا 1-تارماقنىڭ بەلگىلمىسىگە ئاساسەن تۆۋەندىكىچە ھۆكۈم قىلىندى:
جاۋابكار ئەنxxنىڭ ئوغۇرلۇق جىنايىتىگە تۆت ئايلىق تۇتۇپ تۇرۇپ ئەمگەككە سىلىش جازاسى، قوشۇمچە 1000 يۇەن خەلق پۇلى جەرىمانە قويۇشقا ھۆكۇم قىلىندى؛
جازا مۇددىتى ھۆكۈم ئىجرا قىلىنغان كۇندىن باشلاپ ھىساپلىنىدۇ. ھۆكۇم ئىجرا قىلىنىشتىن ئىلگىرى قاماپ تۇرۇلغان بولسا ئالدىن قاماپ تۇرۇلغان بىر كۇن جازا مۇددىتىنىڭ بىر كۇنىگە سۇندۇرلۇپ ھىساپلىنىدۇ. يەنى جاۋابكارنىڭ جازا مۇددىتى 2016-يىلى 3-ئاينىڭ 25-كۇنى باشلىنىپ 2016-يىلى 7-ئاينىڭ 24-كۇنى ئاخىرلىشىدۇ.
بۇ ھۆكۈمگە قايىل بولمىغان تەرەپ، ھۆكۈمنامىنى تاپشۇرۇۋالغان كۈننىڭ ئەتىسىدىن باشلاپ 10 كۈن ئىچىدە مەھكىمىمىز ئارقىلىق ياكى بىۋاسىتە قەشقەر ۋىلايەتلىك ئوتتۇرا خەلق سوت مەھكىمىسىگە نارازىلىق ئەرز ( ئىتىراز ) بېرىشكە بولىدۇ. يازما نارازىلىق ئەرز ( ئىتىراز ) بەرگەندە نارازىلىق ئەرز خېتىنىڭ ئەسلى نۇسخىسىدىن بىر نۇسخا، كۆچۈرمىسىدىن 5 نۇسخا تاپشۇرۇش كېرەك.
سوتچى بۇخلىچەم تۇرسۇن داۋۇت
2016-يىلى 6-ئاينىڭ 6-كۈنى
پـۈتـۈكـچــى ئالىمجان ئابدىرشىت
|